Iraniana Res Publica non paret Concilio Securitario de re nucleari

TEHERAN. - Lunae die Persia nondum obsequebatur imperio a Concilio Securitario ex ONU misso, -uti ditandi uranii finem faciat-, quamvis Veneris die tempus constitutum explebitur.

Nam superiore mense vergente Martio Concilium Securitarium poposcerat Persas cessare ab uranio ditando ante diem 28 Aprilis. Sin Persae neglegendis erga nationes officiis perseverent, Concilio erit cavendum, aut etiam imponendum pactiones, quamquam pro certo habetur membris permanentibus huius Concilii –Sinae, USAe, Galliae, Brittaniae Russiaeque- varios de via componendae controversiae animos esse.

USA vult captum statim consilium quo permitatur impostitio pactionum et, si fuerit necesse, armorum usus. His Brittani (eorum umbrae) cum Gallis secuturi et opes laturi videntur.

Altera vero in parte stant Russi et Sini, qui malunt per colloquia omnem controversiam componi diffidentes voluntatibus eorum, qui commercium Persiae clausum iri minantur, nisi suas vis nuclearis officinas Persia claudat.

Persarum vero praeses, conservandarum rerum acerrime studiosus Mahmud Ahmadinejad, collocuturus hac vespera cum diurnariis, verisimiliter confirmabit se non esse accepturum conditiones de re nucleari; quod, quem ad modum iterum iterumque dictum est a ministro rei externae Manuchehr Motaki, "Persia certum vis athomicae producendae ius habet, ceterum USA, Concilio Securitario adiuvante, semper obsistet firmae voluntati populi nostri".

Dominica feria princeps legationum Persicarum, Hamid Reza Asefi, millessima occasione iteravit suum ditandi uranii inceptum esse "irrevocabile", qua oratione commotus minister rei Externae Francorum, Philippe Douste-Blazy, "extremam Occidenti curam circa hoc negotium esse" demonstrat.

Quin immo diurnarii Sinenses nuntiarunt hodie contractum 50 traminum tradendorum Iranianis esse sanctum, dum auctoritates Russicae -improbantibus Americanis- vendita Persis novissimae artis arma sunt traditurae. (Ut solebant Americani dicere: "negotia sunt negotia").

Hoc autem "negotium" vel argumentum occupat non solum rerum publicarum et militarium praefectos, sed oeconomicarum etiam peritos qui, si Persia petatur armis, pretia petrolei ultra centum US nummos pro dolio aucta orbem passurum praedicant.

Scripsit Carolus Petreius Bogotensis